Seekos Potjie

Maklik, vinnig, heerlik!

Bestandele:

1 pak Seekos mengsel (800g)

1 pak stokvis

500g Skulpie Pasta

2 pakkies kaassous

1 houertjie room

Metode:

Begin met die pasta in ‘n aparte pot, sommer op die stoof. Onthou sout.

Intussen sny jy die stokvis in blokke en sit dit eerste in die pot met water of witwyn, asook bietjie visspesery. Voeg nou die seekos mengsel by met sout en peper na smaak. Die gaarmaak proses vat nie baie lank nie. Sodra die vis begin vlok is dit gaar. Pasop vir te veel water.

Voeg nou die gaar pasta by die seekos en maak die sous. Een pakkie sous word aangemaak met room, die ander pakkie met kookwater. Verhit die sous tot hy dikker raak, gooi by jou seekos en roer deur. Ryk en lekker!

Bron en Foto: Johann van Tonder

Ultimate Lifestyle is ‘n bydraer tot en kry inspirasie van HUTSPOT Resepte/Recipes op Facebook. Besoek hul blad gerus vir maklike en heerlike respete!

Share Tweet Pin Email

Recipes

Trailrider

Johann van Tonder is ‘n boorling van George met ‘n groot liefde vir die Suid Kaap, sy natuur en geskiedenis. As redakteur, joernalis, radio persoonlikheid en storieverteller leef hy hom uit in die wêreld van motors en motorfietse en bevind homself gereeld in verskillende dele van die land op die nuutste motor en motorfiets bekendstellings. Onder die vaandel Trailrider Media verskaf hy motor en motorfiets verwante inhoud aan koerante, tydskrifte en verskeie radiostasies. Wanneer hy tuis is verken hy graag die area se agterpaaie op sy ysterperd op soek na nuwe stories en verhale vir sy reis blog en druk-titel Ultimate Lifestyle.