Tee in die Tradouw

GC1BR9V / S 33° 57.901 E 020° 42.281

In ‘n vorige uitgawe van Ultimate Lifestyle het ons vertel van Geocaching, die GPS-Skattejag speletjie. Die speletjie het ons geneem na ‘n waterval paradys op die Tradouw Pas.

Die Tradouw pas lê tussen Suurbraak (naby Swellendam) en Barrydale in die Klein Karoo en is gebou deur die meester padbouer Thomas Bain. Konstruksie het begin in 1869 en in 1873 is die pas geopen vir verkeer. Die naam Tradouw kom van die Khoi woord “tradau” wat beteken “Pad van die Vroue”. ‘n Kerk is gebou aan die Karoo kant van die pas en gou het ‘n dorp ontwikkel, Barrydale, so vernoem na die bekende Barry familie van Swellendam. Dieselfde familie waarna verwys word in ons Malgas pont storie!

Die pas is asemrowend mooi om te ry met vele stop en uitkyk punte. Ons skat was versteek by een van hierdie aftrek plekke, ‘n klein paadjie van die teerpad af wat jou neem na ‘n skeur met ‘n waterval, kompleet met ‘n tafel en stoeltjies vir ‘n piekniek. Die skat was gou gevind, maar die regte skat was die ontdekking van hierdie waterval. Definitief ‘n moet-besoek as jy oor Tradouw pas ry.

Artikel & Fotos: Johann van Tonder

Share Tweet Pin Email

Did You Know Geocaching History Passes Travel / Adventure

Trailrider

Johann van Tonder is ‘n boorling van George met ‘n groot liefde vir die Suid Kaap, sy natuur en geskiedenis. As redakteur, joernalis, radio persoonlikheid en storieverteller leef hy hom uit in die wêreld van motors en motorfietse en bevind homself gereeld in verskillende dele van die land op die nuutste motor en motorfiets bekendstellings. Onder die vaandel Trailrider Media verskaf hy motor en motorfiets verwante inhoud aan koerante, tydskrifte en verskeie radiostasies. Wanneer hy tuis is verken hy graag die area se agterpaaie op sy ysterperd op soek na nuwe stories en verhale vir sy reis blog en druk-titel Ultimate Lifestyle.