Help my Trap!

Toe BMW onlangs hul nuwe BMW X3 in die Tuinroete bekend gestel het (lees meer hieroor in ons susters-titel Ultimate Drive) het hul nog ‘n verrassing vir die media teenwoordig gehad. ‘n BMW fiets!

Die fiets is gesamentlik ontwikkel deur BMW Lifestyle en fiets vervaardiger SPECIALIZED en die naam is omtrent ‘n mondvol! Dis die “SPECIALIZED for BMW Turbo Levo FSR 6Fattie”. Sjoe.

Wat die fiets interessant maak is die elektriese motor, geïntegreer in die raam. Die motor lewer 250 watt krag om te help met die trapslag as daar ‘n heuwel of iets opduik. Die 504 Wh battery kan verwyder word en apart herlaai word, ook vanaf jou motor se 12V kragsok. Boonop is daar ‘n toepassing vir jou slimfoon waarop die ryer sy vermoë en gewoontes laai, asook die lente en tydsduur van die rit, om te verseker dat die battery vir die hele rit sal hou.

Enige iemand kan dus nou die berge invaar op ‘n fiets, sonder om te veel te trap. Daar is net beperkte getalle van die fiets beskikbaar en die prys is net so indrukwekkend soos die naam: R79 914,00. BTW is darem ingesluit!

Artikel: Johann van Tonder

Share Tweet Pin Email

Fietsry Products / Business

Trailrider

Johann van Tonder is ‘n boorling van George met ‘n groot liefde vir die Suid Kaap, sy natuur en geskiedenis. As redakteur, joernalis, radio persoonlikheid en storieverteller leef hy hom uit in die wêreld van motors en motorfietse en bevind homself gereeld in verskillende dele van die land op die nuutste motor en motorfiets bekendstellings. Onder die vaandel Trailrider Media verskaf hy motor en motorfiets verwante inhoud aan koerante, tydskrifte en verskeie radiostasies. Wanneer hy tuis is verken hy graag die area se agterpaaie op sy ysterperd op soek na nuwe stories en verhale vir sy reis blog en druk-titel Ultimate Lifestyle.